கோவை: கோவை மாநகரில், ஹோப்ஸ் கல்லூரி அருகே நடைபெற்று வரும் அவினாசி சாலை மேம்பாலம் பணியின் இறுதிக்கட்டமாக, ரயில்வே பாலத்தின் மீது எஃகு கூட்டு கர்டர் பொருத்தும் பணி மேற்கொள்ளப்படுகிறது. இதையொட்டி, ஜூலை 9 முதல் 13 வரை, ஒவ்வொரு நாளும் இரவு 11 மணி முதல் காலை 6 மணி வரை, சில முக்கிய சாலைகளில் போக்குவரத்து தற்காலிகமாக மாற்றப்படுகிறது.
முக்கிய மாற்றங்கள்:
அடைப்பு:
பயனியர் மில் சந்திப்பு முதல் கோவையம்புத்தூர் மருத்துவக் கல்லூரி மருத்துவமனை (CMCH) வரை உள்ள அவினாசி சாலைப்பகுதியில் அனைத்து வகை வாகனங்களுக்கும் செல்ல தடை விதிக்கப்படுகிறது.
வெளியேறும் கனரக வாகனங்கள் மற்றும் பேருந்துகள்:
லட்சுமி மில் சந்திப்பில் வலதுபுறம் திரும்பி, ராமநாதபுரம் – சிங்காநல்லூர் – ஒண்டிப்புதூர் – LT பைபாஸ் சாலை வழியாக செல்ல வேண்டும். மாற்றாக, GP சிக்னல் – கணபதி – சரவணம்பட்டி – விளாங்குறிச்சி – காளப்பட்டி வழியாகவும் செல்லலாம்.
இருசக்கர வாகனங்கள் மற்றும் கார்கள் (வெளியேறும்):
பயனியர் மில் சந்திப்பில் இடதுபுறம் திரும்பி, ரொட்டிக்கடை மைதானம் – காந்தி நகர் – தண்ணீர்பந்தல் – டைடல் பார்க் வழியாக அவினாசி சாலை அடையலாம்.
நகரம் நுழையும் கனரக வாகனங்கள்:
தொட்டிப்பாளையத்தில் வலதுபுறம் திரும்பி, காளப்பட்டி – விளாங்குறிச்சி – சரவணம்பட்டி வழியாக செல்லலாம்.
மாற்றாக, சிட்ரா சந்திப்பில் யு-டர்ன் எடுத்து – நால் சாலை – விளாங்குறிச்சி – சரவணம்பட்டி வழியாக செல்லலாம்.
அல்லது, நீலம்பூரில் இருந்து சிந்தாமணிபுதூர் – ஒண்டிப்புதூர் – சிங்காநல்லூர் – ராமநாதபுரம் – LT பைபாஸ் சாலை வழியாக நகரம் நுழையலாம்.
இருசக்கர வாகனங்கள் மற்றும் கார்கள் (நகரம் நுழையும்):
சிட்ரா சந்திப்பு, கொடிசியா சந்திப்பு அல்லது சிஎம்சி சந்திப்பில் வலதுபுறம் திரும்பி, டைடல் பார்க் – தண்ணீர்பந்தல் – காந்தி நகர் – ரொட்டிக்கடை மைதானம் வழியாக செல்லலாம்.
சிங்காநல்லூர் செல்லும் வாகனங்கள்:
அவினாசி சாலை தவிர்த்து, LT பைபாஸ் சாலை – சிந்தாமணிபுதூர் – ஒண்டிப்புதூர் வழியாக செல்ல வேண்டியுள்ளது.
ஹோப்ஸ் வழியாக நுழையும் வாகனங்கள்:
பெர்க்ஸ் பள்ளி – ஜிவி ரெசிடென்சி – ஃபன் மால் – பயனியர் மில் சந்திப்பு – காந்தி நகர் – தண்ணீர்பந்தல் வழியாக செல்லலாம். மாற்றாக, ஒண்டிப்புதூர் – எல்டி பைபாஸ் சாலை – நீலம்பூர் வழியாக செல்லலாம்.
பொதுமக்கள் மற்றும் வாகன ஓட்டிகள், மேம்பாலம் பணிகள் முடிக்கப்படும் வரை இத்தகைய மாற்றங்கள் ஏற்படுத்தப்பட்டுள்ளதால், தவறாமல் மாற்றுவழிகளை பின்பற்றி பாதுகாப்புடன் பயணிக்க கோவை நகர காவல்துறை கேட்டுக்கொண்டுள்ளது.
